--------------------------------------------------------------------------------
(**اشرب كدر مــــــــــاء البحرررر كـــــــــــــانه أرضـــــــــاك**))
ياللي زعلت أزعل ولا ني مراضيك
اشرب كدر ماء البحر كانه أرضاك..
لاتحسب اني عقب صدك بداريك
بأعز نفسي عنك مدراك مدراك..
وخليتني واليوم والله لخليك
وأدوس قلبي لينه يقول خلاك..
قبل توريني الحسايف بوريك
ليمن قال فلان هانك ووراك..
كانك تحداني فانا اقبل تحديك
وانسى الغرام اللي مضى واتحداك..
ماني بقايله لك عسى الله يهنيك
عسى الله يحرمك كل ماكان هناك..
عسى العمر ياخاين العهد يعميك
فوق الغرور اللي عن الارض غطاك..
وعساك ماتسمع قريب يناديك
حيثك تجاهه صوت محروم ناداك..
وعسى الشلل يعوق رجل تمشيك
لينك تندم ليش غيرت ممشاك..
وعسى حياتك بس فرحه لشانيك
يلقى بها الفرصه عدوك ويشناك..
وعسى الليال اللي تجيني بطاريك
يصبح عليها الصبح وتموت طرياك..
وعسى المنام وكل راحه تجافيك
آمين حتى اللي تمناه يجفاك..
وعساك ماتفرح وتكثر بلاويك
وأمك تشق الجيب من عظم بلواك..
ولا "مت" ,,، جعلك في جهنم تصاليك
نار الجحيم ونار دنياك تصلاك..
الله يكره فيك حتى دوانيك
غشاش خاين من,, من الناس داناك..
هذي النهاية روح والله يجازيك
أمسك ويومك عن هوى الغد يجزاك..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
الإثنين أكتوبر 12, 2009 9:39 am
